XX. mendeko Euskararen Corpus estatistikoa
Testuingurua
- Oraingoan tajuz ibil hadi.
Hire jokabidearengatik ia harrapatu gintian aurreragoko hartan.
- Harrapatzen bagaitu ere, zer?- esan zuen Virgilek haserre.
Ezin jango gaitik.
Atalondoaren aurrean zeuden, xurrumurruka hizketan.
- Nolaz dakik ezetz?- esan zuen Fonzok.
- Ez zaiok komeni, nik uste.
- Nolaz dakik ez zaiola komeni?.
- Agian ez dik nahiko.
Fonzok sarrerako atea ireki zuen.
- Nik behintzat ezin dizkiat sei dolar horiek jan - esan zuen Virgilek.
Nahiago nikek ahal banu.
Minniek atea ireki zien.
- Bada hemen zuen bila dabilen bat.
Harrera gelan zain geratu ziren.
- Orain bai harrapatu gaituztela - esan zuen Virgilek.
Dirua horrela botatzen kontuz ibiltzeko esan nian....
- Hago isilik - esan zuen Fonzok.
Ate batetik gizon bat sartu zen, gizon puska galanta, kapela belarri baten gainera okertua eta soinean jantzi gorria zeukan rubia bati gerritik besoaz heltzen ziona.
- Cla`ence duk - esan zuen Virgilek.
Haien gelan Clarencek esan zien: - Nola iritsi zarete hona?.
- Aurkitu egin genuen - esan zuen Virgilek.
Kontatu zioten gertatutakoa.
Ohean eserita zegoen, buruan kapela zikina eta eskuan purua zuela.
- Non izan zarete gaur gauean?- esan zuen.
Ez zioten erantzun.
Zomorro aurpegiaz erne begira geratu zitzaizkion.
- Tira.
Bazekiat zer ibili zareten.
Zein lekutan izan zarete?.
Esan zioten.